Om Sunnfjord Energi
Sunnfjord Energi er eit energikonsern med 120 medarbeidarar. Hovudkontoret ligg i Førde, og selskapet er eigd av kommunane i Sunnfjord og ytre Sogn og av BKK.
Konsernet driv innan produksjon og omsetnad av fornybar energi, utbygging og drift av om lag 2600 km linjenett, småkraftverk, breiband, fiber, alarm, varmepumpe og anna entreprenørverksemd.
Sunnfjord Energi AS er organisert i 4 avdelingar: stasjonar, nett, marknad og administrasjon. Føremålet med selskapet slik det er uttrykt i vedtektene er å syte for produksjon, overføring og omsetning av energi, og stå for utbygging av naudsynte anlegg i samband med dette. Selskapet skal arbeide for ei sikker og rasjonell energiforsyning i eigarkommunane.
Verksemda kan og drivast i samarbeid med eller deltaking i andre føretak med same eller liknande føremål.
Forsyningsområdet dekkjer ca. 3100 km2 i 7 kommunar frå Solund i vest til Stardalen i Jølster i aust. Pr. 31.12.09 var det 25684 innbyggjarar som fekk straum via kraftlinjene til Sunnfjord Energi. Det er 5 oppmøteplassar utanom hovudkontoret i Førde: Skei i Jølster, Sande i Gaular, Hålandsfossen i Fjaler, Leirvik i Hyllestad og Hardbakke i Solund. I tillegg er det fast personell i kraftstasjonane Stakaldefossen og Øvre Svultingen.
Om lag 14.200 kundar er kopla til linjenettet som består av:
- 193 km med 132 og 66 kV (kilo Volt) linjer
- 1051 km med 22 kV linjer og kabel
- 1409 km med lågspentlinjer og lågspentkabel
- 9 sekundærstasjonar
- 1030 større og mindre transformatorar (nettstasjonar)
Sunnfjord Energi AS eig 7 kraftstasjonar med samla middelproduksjon på 245 GWh. Dette dekkjer om lag 70 % av samla kraftforbruk i konsesjonsområdet.
Sunnfjord Energi AS er også hovudaksjonær i selskapa Fossheim Energiverk AS med middelproduksjon på 25 GWh og Kjøsnesfjorden Kraftverk AS som er under bygging. Det nye kraftverket i Kjøsnesfjorden fekk produksjonsstart våren 2010 og har forventa middelproduksjon på 247 GWh.
Konsernet Sunnfjord Energi består av Sunnfjord Energi AS, Fossheim Energiverk AS og Kjøsnesfjorden Kraftverk AS. Sunnfjord Energi AS har to tilknytte selskap, Enivest AS og Etrygg AS.